X
تبلیغات
نوحه تركي-فارسی - اشعار ترکي با تشکر ازخليل انتظاري

مذهبی- سیاسی -فرهنگی- تا لود شدن صبور باشید ممنون

اشعار ترکي با تشکر ازخليل انتظاري


اشعار ترکي

ورود کوفه 2

 

زينبم اودلارا يانديم گلديم          کوفه وشامي دولانديم گلديم


دولانوب عطروي آلديم گلديم       زينبون عطروه قربان يارالي


                          بو گوزل قبريوه قربان يارالي


نجه کي عهديمه پيمان الديم       حقووي عالمه اعلان الديم


                       ظلم ايوين شامده ويران الديم


ثابت ايتديم که جهالت ده ديلر       ئوزلري بولدي ذلالت ده ديلر


                           شهدا خط سعادت ده ديلر


بس که گلدور شهدانون هره سي        ايله بير سير گلستان هوه سي


                            قبروون وار نه گوزل منظره سي


گلشنونده يره گللر دوشنوب          باجون اولسون نيه شش پر دوشنوب


اياقون آلتنا اکبر دوشنوب


دود و آهيم اسفيم عرشه چاتوب       باشيمي بو سوزوون فکري قاتوب


ده گوروم صودامرون هاردا ياتوب


ديمم اي گل ثمروندن ده منه      ديمورم بال و پروندن ده منه


يارالي ياره لروندن ده منه


گوروروم آتش عشقه يانوسان          من کيمي درد اودونا اودلانوسان


گوزون آچ زينبووي گور تانوسان


ديموسن سلسله غم هاني بس       بلبل گشن طاها هاني بس


ديموسن نازلي رقيه هاني بس


او گجه گوز ياشون احسان ويردي      گوزوم اشکين يرينه قان ويردي


اليم اوستونده بالم جان ويردي


جان ويرنده منه بير باخدي بالام      قلبيمه آتش غم ياخدي بالام


ايله بيل ئولدوزودي آخدي بالام


ديدديم اي نو گل گلزار کرام         ندي دردون منه ده نازلي بالام


ديدي آهسته منه عمه آجام


رخت عيشي او زمان سويدوم حسين ديريليقدان داخي من دويدوم حسين


يوزومي گل يوزينه قويدوم حسين


خط سيريمده ديمه آخديم حسين        او شيرين ديل بالاني آتديم حسين


بالامين قبرين اوزوم قازديم حسين


قبري قازدوقجا اونا واي ديمشم        اشک چشميم آخوب اي واي ديمشم


بالاما قبريده لايلاي ديمشم

مقام حسيني 1

                                                                                                                          از : مقني ممقاني


من يا حسين سنون قاپووا بنده گلموشم


شرمنده و ذليل و سرافکنده گلمشوم


الله يانيندا روي سياهم ، رجا هاني


بولموش سني اميد – پناهنده گلمشوم


گوردوم بو درگهي هامي قصد ايليوب گلور


بو اهل درديله قاريشوب منده گلموشم


اعماليم ايليوبدب مني بر ملا ذليل


اولماز ذليل من کيمي جنبنده گلموشم


اودوم اسير نفس مجازاته قابلم


چاره ايدن بولوب سني زيبنده گلموشم


بير عمر قالموشام بيله ظلمات جرم ده


نور عنايتون اولا تابنده گلموشم


ساخلا مني قاپوندا آقا افتخار ايدوم


رسواي اولميوم ايده لر خنده گلموشم


ئوز قدرتيمجه سن سؤنه خدمت ايتموشم


هر يردن اولموشام سني جوبنده گلموشم


تاپسام جزا گوني سني عرض ايلرم شها


نوکرلريوه منده نويسنده گلموشم


منظور اولوب هميشه سنه خدمت ايليم


اوز خدمتيم اولا سنه پابنده گلموشم


قوغما مني قاپوندان اماندور ترحم ايت


بو خدمتيم منه اولا پرونده گلموشم


هر نه قصوريم اولسا سوزومده گذشت ايله


مجنون مثال ، فکري پراکنده گلموشم

                                                                                                                                            از : کلامي زنجاني


مقتله گلدي ديدي ديدمده قانياش وار حسين     

                                    هارداسان سس وير منه نه يار و يولداش وار حسين


دشمنون کامه چاتوب هر الده بير باش وار حسين 


                                                                                                                                                           بيلمزيديم کربلاده بير بيله داش وار حسين


                                                                                                              داشلار آلتدا هيچ باجي قارداشين عريان گورميوب


فکريوي قارداش باجون باشدان بيلورسن آتمادي   

                                        آي گيجه باتدي فرات اوسته سيزيلتدي ياتمادي


من کشيک چکديم اليم عباسه نيلوم چاتمادي  


                                                 هر نه يالوارديم ربابه صبح اولونجا ياتمادي


                                                                                                           هيچ آنامدا بير بيله شام غريبان گورميوب

قتلگاه 1

                                                                                                                                            از : کلامي زنجاني


وقت او وقتيدي که ريحان کيمي سولموشدي حسين


اوغلي قارداشي دوشوب يادينا دولموشدي حسين


ايليوب نيزه سينه تکيه يورولموشدي حسين


تک سليمانيدي ، ميدان دولي اهريمنيدي


دورين آلموشدي جماعت ، هاموسي دشمنيدي


بير شل اولموش او زمان آلنينا بير اوخ ويردي


حضرت فاطمه نون قلبون او اوخ يانديريدي


نه اليندن دوتاني اولدي ، نه ده قان دوردي


قوزادي پيرهنين تا سيله گوزدن او قاني


سيلمه ميش سسلديلر صود امري اوخلياني


حرمله اوخلارين آتموشدي اگر چه چوخوني


آزموديدي وراردي اوزاقي هم يوخوني


چخادوب قويدي کمانه او ذخيره اوخوني


اوخ نه اوخ ، سينه نه سينه که قلم شرح ويره


قاتل اصغر و سقا ، ديزيني ويردي يره


تيترين اللريله سالدي نشاني ترازا


ديدي بير اوخدي بو اوخ دوده گرک قبر قازا


ويرمشام مثليني بير سجده گهه ، بير بوغازا


چله دن آيريلوب اوخ گويده ديدي واويلا


ديسگنوب تليده زينبده ديدي يا زهرا


الغرض هر نئيدي دگدي او پيکان هدفه


سينه دن چخمادي باخدي آقا سمت نجفه


قدين اگدي آپاروب اللريني دال طرفه


داغلي ديلدن اوخي چکدي دل زهرا ياندي


پرلري تيزيدي شايد اليده دوغراندي


يازا بيلمم نه حالا حجت رحمان دوشدي


اسدي بير قورخولي يل دللره طوفان دوشدي


ديدي معناده رقيه : بابام آتدان دوشدي


مروه عشقه چاتوب بيت محبت حاجيسي


حاجي تقصير ايلينده باخا بيلمز باجيسي

از : صادقي تبريزي


تفکر عالمينديديم ، اوتورموشدوم گجه تنها


قلم گوتدوم ايدم شان عليدن شمه اي انشا


دل آچدي طوطي طبعيم به عشق حضرت مولا


سروش غيبي سسلندي هامي قطره علي دريا


ندا گلدي قولاقيمه علي مولا علي مولا


عليدور صادر کامل ، زمانين ابتداسيندن


نظيري گلميوب گلمز وفاسندن عطاسيندن


عليدور قاضي عادل قضاوتده قضاسيندن


علينون شان والاسين خبر آل هل اتي سندن


اورکدن يا علي سسلن عليدن اول مدد جويا


دليمي بافليوب مصحف و گرنه سخت و بي پروا


ديرديم من علي کفو خدادور ايتمورم حاشا


نهاندور آستيننده هزاران موسي و عيسي


شب معراجيده اصحابه سر ليله الاسرا


يانمدا جبرئيليدي او پيک لايزاليله


سووشدوم آسمان دومي اول خوش مقاليله


اوچومجي آسماندا شاديديم شوق وصاليله


يتيشديم آسمان چارمه گوردوم جلاليله


نچه مين اوردا مسجد وار درون مسجد الاقصي


او مسجدلرده گوردوم هر بيرينده نوريدن يوز باب


علي آدي يازلمش اوستونه ايتديم که دق الباب


عجايب منظره گوردوم من اوردا يا اولوالالباب


هزاران طاق هر مسجده هر طاق ايچره بير محراب


او محراب ايچره يوز منبر او منبرده علي پيدا


پيمبر قوليدور سوز يوخ ايدوبدور حجتي اتمام


ياراتدي بعضي اصحابه بو مطلب مختصر ابهام


ايدوبلر زمزمه غرق اولدي بحر فکريده اوهام


تعجبلن ديدي طاهايه اصحابي که بو آخشام


علينون بيز حضورينده واريدوخ جمع در يکجا


سکوت ايتدي رسول الله حبيب خالق منان


کانه قفل اولوبدور باب حکمت عقل اولوب حيران


باخوبدور بيربيره اصحاب طاها مات و سرگردان


تبسم ايليوب پيغمبره عرض ايلدي سلمان


علي منلن اوتورموشدي گجه بير گوشه ده تنها


ولايت شعله سي اود سالدي ناگه هر دل و جانه


که گويا اود دوشوبدور شمعدن صحن شبستانه


بيري آند ايچدي مولايه بيري آند ايچدي فرقانه


ابوذر سويلدي اولسون قسم آيات قرآنه


علي بيزديدي بو آخشام نماز صبحه جک حتي


اولوبدور مدعي هر کس سوزونده ايلدي اصرار
هامي عرض ايلدي منلن واريدي حيدر کرار


صحابه ايلدي بير بير رسوله بو سوزي تکرار


ايشيتدي فاطمه فرمايش ايتدي بو گجه زينهار


علي ايودن کناره چخميوب صبح کيمي اصلا


بو سوز پخش اوادي بعضيلر دوباره فکر خام ايتدي


دگوبدور بير بيره اصحاب طاها ازدحام ايتدي


چوخي مبهوت اولوبدور چوخلاري اخذ مرام ايتدي


يتيشدي ناگهان جبريل طاهايه سلام ايتدي


ديدي اي ميهمان بارگاه قدس او ادني


گتوردوم بو پيامي من حضور رب العزتدن


قوتارسون حي اعلا جمله اصحابي حيرتدن


خدا امر ايلیور آگاه اولون سر ولایتدن


علی اوز محضریمدیدی تمام شب عنایتدن


منیله با همیدی صبح اولونجا حضرت مولا


کیمم تعریف ایدم من حیدرین شان و مقامیندن


علینون شانی روشندور خداوندین کلامیندن


قوام عرش اعلادور قعودیندن قیامیندن

اربعين 1                                                                                                                                    از : حافظي نبريزي


ايله شش گوشه مزارون يره زيبا دوشنوب  

                                                     آنام اوغــــلي ديه سن عرش معلا دوشنوب


ايله قبرون بو بيابانه ويروب ذوع وصفــــا   

                                                        روضـــــه جنت اعلايه دونــــوب دشت بلا


شوريدي،جاذبه دي ،عشقيدي باشدان اياقه  

                                                      هانسي طراح ويروب طرح بو ماوا دوشنوب


يرده ترسيم اولونوب عالم بالا نقشـــــــي  

                                                         گــــورميوب ديده دنيــــا بو دل آرا نقشي


نجه که منعکس ايلر گچه دريـــــا نقشــي  

                                                     فرش تک فرشه ايله گنبد مينــــا دوشنوب


لحظه لحظه يتشندن بورا فکريم دوزه لور   

                                                       يا گـــلور تير تخيـــل توخونور قلبــي دلور


اوزيني گورمور اما آنامون عطري گلـــور  

                                                    ديه سن قرخــا گلوب قبريوه زهرا دوشنوب

اي حسيـن اي شــرف آل عبــا                  بيزي گل سن الي بوش ســــالما يولا


مايه عـزت و جاهيــم سن سن                  ايکي دنيـاده پناهيــــم سن سن


نه چمن طالبيم،نه عطا شـايقيم                  يا حسين سن بيلوسن آديوين عاشقيم


سن سن عالملره آيــــات جلي                    کل بو مـــــا خلقيــــن بي بـــــدلي


سنه قربان اولوم اي مـاه جمال                   سن سن عالـــــمده گوزللـر گوزلي


کلمه حقــــه نوشتيـم سن سن                     مسجد و دي و کنشتيــــــم سن سن


چوخلاري باغ و چمن آختاروري               ايکي دنيــــــاده بهشتيــــم سن سن


اي اولان فاطمـــــــيه در دانه                    بيزي عشقين ايليـــــوب ديــــــوانه


او گوزل گل آديــوين عاشقيم                    آند اولا سن اوخيــــــــــــان قرآنه


نولي بير گوگلومي شاها آلاسان                 ياره لي سينمــــــــه مرحم سالاسان


عالمين اهلي بولور اي شه ديـن                 آغالاردان      آغالاردان      آغاســان


شهلر ايچره سني من شه بيلورم                 نــــــــاصر نصــــر من الله بيلورم


شط درياده ويرن نوحه نجـــات                  اسدالله        يدالله          بيلورم


ديمورم ملک جهـــــان رهبريم                    ديمورم کنز وفـــــــــــــا گوهريم


بير مدال شرفيم واردي منيـــم                   من سنون نوکريــــــــوون نوکريم


گل بيزي غملره مانوس ايـــلمه                 صوري عاشقــــــــلره پابوس ايلمه


بولوروق سيز آنازي جوخ سوئسيز            سني زهرا بيزي مايــــــــوس ايلمه


عزتين دهرده بي همتـــــــادي                  جــــود و بخش و کــرمون دريادي


گل آدوندان هاميلار ارث آپـارار                چون آنـــــان فــــــاطمه زهرادي


هـــــــــر گلن ميثم تمار اولماز                 هامي سلمان کيمي هشيــــار اولماز


کيم سنون دامنـــــوه چنگ ويرا                ايکي دنياده گرفتــــــــــــار اولماز

احوالات کوفه 1

  از : مرحوم نخستين

زينبــــم قارداش حسين قلبي يانان عاشقيوم  

                                           کوفه و شامي دالونجـــــا دولانان عاشقيوم


محک عشقيوه صــــراف اجل چکدي منــــي   

                                          گوردي سرگشته عشقم سنه گوستردي مني 


اي آنام فاطمه نـــــون يوسف گل پيرهنــي      

                                                الي قوينوندا گوزي يولــــدا قالان عاشقيوم


 قتلگاهون آنام اوغلـــي او مجلل گيجه سي


نصف شب قانلي بيلکندن کسلـن ال گيجه سي  

                                            بيلوسن قارداش حسين من نگران عاشقيوم


هر يره گيتسون اگر اي يارالي بـــاش منه دي   

                                                يارالي پيکريوه ســـــــايه سالان عاشقيوم


مني ديندير آنام اوغلي بو قدر ناز ايلمــــــه  

                                                      ئوزووه قاتل بيرحموي همـــــــراز ايلمه


طاقتيم يوخدي منـيم روحيمي پــــرواز ايلمه  

                                                 قالميوب منده داخي تاب و توان عاشقيوم


ئوره گيم ياره ليدي ياره لنن اعضــــــــا تک 

                                                 موج ايدر درد و غميم موجه گلن دريا تک


اوج اعلاده گنه سيــــــــــــر ايدرم عنقا تک 

                                               نه عشقي حسين جان ،پر آچان عاشقيوم


هم مرام سنيلن ، سن که مراميم بيـــــلوسن

                                                  ن آنام فاطمه نون گلشنون بير گلي سن


من سنه سويگولويم ، سنده منه سويگولوسن  

                                                     م هجرونده سنون قدي کمان عاشقيـوم


مني ديندير آنام اوغلي ايليوم درديمي فاش  

                                            وتما يانه يوزووي من باجيام سن قــارداش قتلکهده باشــــون اوسته پر آچان عاشقيوم

زندگي ويرديم حسين عشقوي آلديـم نيلک  

                                                     دوشن ورطه طوفانيـــده قالديم نيلک

گل کيمي گلشن عشقونده ســـارالديم نيلک

                                            یوسفيم ، کوي وفاده قوجـــــالان عاشقيوم


نيزه ده ايله تماشــــــا بيــــله تماشا اولماز 

                                          سن    کيمي يوسفه فکر ايتمه خريــدار اولماز

شهد عشقوندن ايچن ديده سي خونبار اولماز
                                                الده آغ زلفيـــم حسين پيره زنان عاشقيوم


نویسنده : نیک فال
تاریخ : چهارشنبه ششم خرداد 1388
زمان : 20:27


مرجع دریافت ابزار و قالب وبلاگ
Design By : Ashoora.ir



دانشنامه عاشورا

روزشمار محرم عاشورا






پایگاه جامع عاشورا